在愚人節推出以「首個只着三點式行山節目」做預告的ViuTV真人騷《美女郊遊遊》上周首播後，引起不少爭議。在第2集出現的滑翔傘教練被發現是曾阻義務急救員施救的警察，網民紛紛揚言罷睇。前晚《美女郊遊遊》播出第5集，「Double S」沈殷怡和陳欣妍三點式在沙灘奔跑，網民即表示：「已經原諒咗。」
由「Double S」沈殷怡（Shirley Sham）和陳欣妍（Shirley Chan）主持的ViuTV真人騷《美女郊遊遊》，自推出以來引起不少迴響。製作組在月初先用全港「首個只着三點式行山節目」做賣點，雖說只係愚人節玩笑，但兩位身材超正的Double S着住泳衣行山的鏡頭在前晚播出的第5集終於出現。
唔敢睇返怕尷尬
《美女郊遊遊》在上周二播出的第2集，雖然因大霧未能玩滑翔傘，但滑翔傘教練有出鏡，隨後被網民發現該教練現職警察，曾在示威集會上阻止義務急救員為示威者進行急救，甚至出言辱罵示威人士，網民隨後揚言罷睇，不過第5集前晚播出後，情況扭轉。Double S在第5集挑戰西貢蚺蛇尖，兩人走過高山落斜，去到沙灘，之後換上三點式泳裝，被導演要求在沙灘奔跑，除了要犧牲色相，還要被蚊針到「脹卜卜」。不過網民似乎睇得好開心，完全忘記之前嬲爆節目有警察入鏡，呼籲所有人罷睇。有網民留言：「我已經原諒咗ViuTV了」，ViuTV的fb專頁也有大批留言表示該集非常可觀：「今集要重複睇十萬九千次。」又指：「有今集睇，唔反喇。」
陳欣妍昨日接受《蘋果》訪問，指不擔心成為性幻想對象，她說：「網民嘅preference同取向都係佢哋嘅自由選擇，我好開心每次有作品出街，都會得到網民反應，感謝佢哋。」沈殷怡就指未料到有咁大迴響：「真係估唔到！第4集露營有才藝表演，我做嘅時候冇諗過就照做，播出街嘅時候，我喺屋企唔敢睇返，因為太尷尬。」
騷擾蝙蝠引爭議
不過，有讀者黃小姐日前向《蘋果》投訴，指節目內容或涉及違法行為。她指出第2集攝製隊到馬鞍山礦洞探險，該洞穴是為數不少蝙蝠的棲息地。黃小姐指根據香港法例，攝製隊不能使用強光電筒照射蝙蝠進行拍攝，主持大聲尖叫喧嘩，也會騷擾蝙蝠棲息。Double S在第3集於八仙嶺郊野公園之內的屏南石澗游泳，黃小姐也指她們違法。
《蘋果》就此致電漁農自然護理署詢問，負責人指：「去郊野公園入面啲溪澗河流游水，因為安全問題，我哋會建議唔好咁樣做，不過就冇規則指明唔准，除非係一啲指定海岸公園區域。」對於入洞穴拍攝騷擾到蝙蝠，負責人則指：「除非個洞穴係列為禁區，否則係可以入去同拍攝，騷擾就好難定義，如果確定係傷害到嗰啲動物，我哋就會跟進。」《美女郊遊遊》監製鮑俊傑則表示：「沒有回應。」
採訪： 嵐山、南瓜
