【本報訊】監警會去年調查反修例事件並撰寫報告，社工呂智恆質疑監警會此舉屬調查性質，就監警會越權調查提出司法覆核，前日被法庭裁定敗訴。監警會前委員、港大法律學院首席講師張達明昨表示，今次裁決呂智恆表面上雖是輸了，但實際上反映監警會並無法定以外的獨立調查權力，判決是「摑咗特首一巴」。他批評林鄭以監警會作擋箭牌，促請「特首唔好再搵監警會過橋，正正經經做個獨立調查，無任何理由推搪成立一個獨立調查委員會」。
張達明昨接受商台訪問時表示，判詞中顯示監警會今次的階段性報告只是前期工作，「目的係攞資料，今次唔係做調查，亦都唔會得出任何結論係會影響到任何將來呢啲須匯報投訴時嘅決定，今次報告絕對唔會講邊個警務人員有冇失職」。張指該份報告並非查找警方有否做錯，「如果攞到嘅資料基本上睇到警方喺程序上有不足時，都可以提意見嘅」。
反映無獨立調查權
今次高等法院裁定呂智恆敗訴，張達明指表面上呂雖是輸了，但實際上反映監警會無法執行超出法定以外的獨立調查權力，「特首唔好再搵監警會過橋，正正經經做個獨立調查，冇任何理由去推搪成立一個獨立調查委員會」。張批評林鄭以監警會作擋箭牌，既誤導公眾，亦拖延了市民的期望，判決是「摑咗特首一巴」。
對於有指階段性報告會提到7.21等事件，張達明認為報告或會羅列警方所給予監警會的資料，「例如點樣去部署、咪將個圖畫講返出嚟，咁大家可能會知道多啲嘢，可能監警會會叫佢哋喺啲問題上改善下，但一定唔會處理到最核心問題，即係究竟有冇警務人員失職、串聯黑警、放生黑幫、呢啲核心問題佢唔會係呢個報告處理，所以還唔到警方清白，亦都還唔到示威者清白」。
■記者李雨夢