祥益地產人力資源部歐嫣君（Kylie，圖）為公司員工提供考牌培訓逾10年，見盡各類考生，由銀行、醫藥、社福等界別轉行做經紀，莫不記憶猶新。
地產牌分為地產代理（個人）牌照「大牌」及營業員牌照「細牌」，而細牌亦有筆試和電腦試之別。歐嫣君坦言，地產經紀牌已今非昔比，以她入行年代為例，電腦化營業員資格考試每星期舉辦多場，考試時間只需約1小時15分鐘，亦較現時容易及格得多，今日如果考生是白紙一張，用工餘時間準備考試，估計需時約兩個月。據地監局數據，2019年全年營業員資格考試（筆試）有5,270人應考，及格率28.6%；透過電腦應考人數512人，及格率為26.6%。她補充，曾經有一期「大牌」及格率低見9.1%。
歐嫣君認為，「及格率偏低，有幾個因素，首先地監局一直有措施希望提升業界認受性同專業水平，喺試題上確實增加咗難度。但考試範圍其實無變，可能係多咗要思考嘅問題，唔係平鋪直述或喺書入面複製出嚟嘅問題，例如多咗個案分析，考生要理解咗先答到。」地監局曾解釋試題增加難度的原因，包括希望持牌人珍惜牌照及提升新入行人士的水平。