【地產專題】疫情肆虐，市況慘淡。據地監局最新數字顯示，香港地產代理行數目按月減少26間，但持牌代理人數則按月增加30人至39,358人。然而，中五畢業後做地產經紀的David，卻在「疫市」下毅然選擇轉行做保安，到底原因為何？
記者：陳家雄
早於2005年投身地產代理行業的David，主要從事工商物業買賣，曾經歷每月有近20萬元收入的黃金時代。惟至上年社會運動持續，加上疫情打擊，令其收入大減。「成交由上年年初開始減少，去年6月開始突然大減，去年12月、1月，唔使講啦，更加勁。佣金？冇，直情係冇佣金收入，『咬老底』維持咗半年，心諗不如轉做第二樣工作先啦。見到情況咁樣，成交唔會一時三刻突然飆升。」
情況差過08年
所謂「咬老底」，是指單靠底薪收入，沒有佣金。底薪通常7,000元至8,000元，但代理行為符合最低工資要求，通常多除少補，往後要從佣金收入計返之前填的數。
做經紀15年的他，經歷過2008年金融海嘯、2013年辣招，高山低谷都走過，「08年都試過『咬老底』，但因為今次情況係兩樣事件影響，同埋你睇返實質情況，社會運動一日未完，影響相對會大，成交唔會增加。整個市場，有錢嘅人係有，好多人手頭上有錢，但佢唔會落實去買嘢。除非有一、兩個物業減得好筍，但工商舖要大減，極難囉！咬老底最耐都係呢個時候，就算以前一個月冇佣金，隔一個月都會有返。」
他尚未成家立室，但咬老底實在難捱，「捱唔到㗎，搭車、食飯、交租……好多濕碎數，積少成多，條數好大。」故此，他掙扎了兩、三個月後，決定短期內轉行保安。
David稱，現在轉行做保安，每天工作9至12小時不定，但月薪見「2」字頭，生活尚算安定。然而，轉行做保安會否擔心此行又裁員？他笑指，「唔驚喎，物管一直請緊人，有啲要求高嘅公司直情係請唔到人添。樓市有周期，咁啱踏入呢個周期，一年半載後又會復蘇，我對香港樓市仍然有信心。行開一排先囉，我本身做咗咁多年，人脈同知識仲喺度㗎嘛！」