陳山聰、譚俊彥與黃智雯等昨日到將軍澳為新劇宣傳，最近為防止武漢肺炎疫情爆發，人人留家抗疫。譚俊彥自嘲身上脂肪到了高點，因此要重新開始跑步，但就未有帶子女一齊喼弗，他透露兒子日前起床時嘔吐：「我真係好擔心，好彩原來係腸胃炎，因為佢腸胃好淺，所以好容易嘔，同黃智雯一樣咁鍾意食雪糕。」
陳山聰現身時，眾人立即起哄叫他除衫，陳山聰笑指劇中除了飾演江湖大佬外，更是脫星：「真係第一次喺螢幕前脫得咁徹底。為咗喼弗，最近開始跑返山，老婆仲日日話我肥，叫我快啲去跑步。」提到老婆Apple懷孕，陳山聰指醫生叫她不要外出：「佢除咗去做產檢，都冇出過街。我仲以為佢會好無聊，不過可能做咗媽媽，自己都話留喺屋企安全啲。」
撰文：盧妹