運動員退役十居其九打而優則教，港隊羽毛球男雙代表譚進希自感不是做教練材料，當打之年投資過百萬開設台式飲品店，今年一月底一圓老闆夢。多數運動員忌於政治表態，他倒坦然於店舖貼出文宣，又與黃色網店合作於店內寄賣商品，把部份賣貨收益捐予「手足」，冀以此支援同路人。
記者、攝影：洪量丰
運動員開設飲品店，26歲的譚進希並非第一人，前年其港隊隊友潘樂恩已當先行者於荃灣開店，一直愛喝珍珠奶茶的譚進希不諱言受她啟發，「我見潘樂恩開，自己都想開，所以一路請教佢，佢就提醒我開舖會比我想像中複雜。」
投資百萬開台式飲品店
運動員生活圍繞羽毛球而轉，每日除了練球還是練球，大部份港將退役後又轉執教鞭，譚進希明言不欲一生人全然投入羽毛球，「我以前都教過人，發覺教波未必係最適合我，又諗過讀書先，之後試下唔同類型嘅工作，起碼唔好做教練先，我自己未必可以一生人100%畀晒羽毛球。」
然而在球場生活慣了，一手一腳開創事業、處理文件交費才知經驗不足，譚進希獨資上百萬，硬着頭皮摸着石頭過河，「你淨係嚟買杯嘢飲，但背後其實好多嘢準備，搵舖、裝修、試人流，我港九新界跑晒，打波時間上無衝突，係犧牲咗休息時間箒，晏晝練完波都要出去睇舖。」
最想為社運出一分力
由最初計劃開店，復來回港台試飲上廿間茶店的出品，後來簽下加盟店合同，尋尋覓覓終租下荃灣西鐵站上蓋商場的舖位，前後經歷兩年才迎來新張大吉之日，譚進希坦言恨不得更早開店，為的不是老闆夢，而是為社運出一分力，「半年前有大型遊行示威，我都好想間舖頭快啲開，見到啲人派水、派物資，我自己都好想落去做埋一份。」
譚進希表示起初沒想過自我標榜為「黃店」，後來有網店與他傾談合作，他也樂於讓店舖作網店的展示平台，他指互相扶持幫助非常重要，「黃色經濟圈都係個互相支持嘅方法，呢樣嘢對商舖嚟講好關鍵。」不似一般飲品店店面迫狹，譚進希新店頗寬敞，除有小桌寄賣防疫用品，又有本地插畫家作品和鎖匙扣等產品，並列明部份收益將捐予手足。不少運動員礙於總會和贊助的壓力，忌於政治表態，譚進希反是例外，「表達政治立場無咩違法嘢都ok，始終香港係一個自由嘅地方，我又唔係惡意中傷其他人，純粹只係表達自己嘅諗法。」
