為避疫大家都減少外出，留在家中煲劇，ViuTV近月推出的多部自家製新作，贏得好口碑。當中由歐錦棠監製兼主演、以空手道為題材的《打天下》正是好例子，不過拍攝時正值社會運動，劇組更試過開工遇上放催淚彈，他索性將社運變成訊息注入劇中，鼓勵大家逆境自強。今次阿棠更邀息影八年的好拍檔文頌嫻出山，相隔17年再做情侶。
現年56歲的歐錦棠和文頌嫻在九龍灣接受《蘋果》訪問，老朋友見面話題不盡，阿棠激讚文頌嫻不用熱身，也有自然的默契和火花，文頌嫻笑說：「呢個我都要好多謝佢，今次係佢嘅夢想，佢搵我係我嘅榮幸。」《打天下》是阿棠的夢想，他表示不會辜負大家期望。
「可能係末日」
拍攝新劇期間正值社會運動，阿棠說：「拍攝時係社會事件發生嗰幾個月，太子出面打到嘭嘭聲，我哋隔後幾條街拍緊戲。有一晚沙田射緊催淚彈，我哋就喺沙田獅子亭開工，睇到啲煙飄上嚟，嗰陣轉唔到地方，條路根本行唔到，全部都係爛磚，我哋只可以盡創作人職責，將社會性嘅嘢同我哋想講訊息擺入去，我哋唔會comment，只想鼓勵大家，就算幾咁困難，都要起返身，所以劇中對白、劇情都加咗好多呢啲符號，等大家慢慢去搵。」
面對逆境時，阿棠會跟自己說：「無論幾惡劣嘅時候，雨後一定會有陽光。」抱樂觀心態，面對目前香港艱難時期，阿棠說：「我覺得𠵱家係扭轉全球人嘅生活態度，講驚啲嗰句，今次可能係人類最後疫情，甚至可能係末日，你繼唔繼續生活落去？䊹口䊹面都要生活，吸啖氣，咬實個牙關行出去又係要生活，你自己揀喇！」文頌嫻認為不需過度恐慌面對疫情，要取得平衡。
擔心演技脫節
文頌嫻於2012年嫁圈外男友李梓慎後，專心相夫教女，今次被阿棠認真態度打動復出拍劇，不過她坦言顧慮頗多：「譬如演技啦，我唔知我嘅幕前感會唔會脫節，演員除咗演戲之外，仲要睇埋係乜方法去演，十幾年前同𠵱家係兩種唔同方法。」再嚐演出滋味後，文頌嫻不排除再接劇。
撰文：唐深悠
攝影：林賓尼