強國輸出武漢肺炎禍害全球又唔想認賬，搞到全世界對佢神憎鬼厭，但強國小粉紅唔知衰仲周圍煽風點火，早排就掀起咗場中泰大戰，成功令港台泰三地網民組成咗奶茶聯盟齊齊抗共，亦因為呢場大戰，揭露咗原來過去戰力好似驚人嘅強國五毛，必殺技竟然只得一招，就係只識大叫「nmsl」（即係「你媽死了」拼音縮寫）。
引發二創無限洗版
今次泰國網民對付強國小粉紅招式令香港人眼前一亮，大批meme圖為大家帶嚟唔少歡樂，仲有唔少值得我哋效法，香港網民因為有份幫拖，其實都有被小粉紅出nmsl攻擊，大家就即時學以致用，記起777上年6月曾經講過「母親論」（圖），當正自己係港人之母，於是佢都有份參戰，被大家cap圖用嚟回應一班小粉紅。
nmsl呢組字仲被發展出唔同嘅時態用法，甚至出現衍生詞，網上「城市詞典」（Urban Dictionary）最新就收錄咗nmslese，由泰國人名命，意思係指唔夠人拗時就只識辱罵講nmsl嘅中國人；高登音樂台亦新鮮滾熱辣將《明天我要嫁給你》二創變成《你媽今天終於死了》，強國小粉紅翻牆睇到，相信又要再狂放nmsl洗版啦！