【抗疫小故事】星期四下午，杏花邨海濱長廊不少市民散步、做運動。人群中傳來響亮的指導聲：「呢度伸前咗，要退返後」、「係咪臀部好痹呢，係正常㗎」。躺在花圃邊接受指導、正在舉腳訓練的是杏花邨區議員黃宜，旁邊有人一直拍攝。這是健體愛好者Mark和Ken自組的計劃，邀請多區區議員一起拍片健身，設立「與區議員居家運動」YouTube頻道，至今已上載十多條影片，由適合長者的簡單動作、適合腰痛膝痛人士的，到運動強度高的HIIT，包羅萬有。
居家健體忌高難度
Mark和Ken是西環街坊「西柚跑步會」的搞手，每星期兩次與街坊健身，但武肺來襲人與人之間需保持社交距離，跑步會便取消聚會。兩人不希望疫情影響街坊做運動，也知道不少人居家隔離「悶到抽筋」，便想出拍攝居家健身教學片段，並廣邀不同區議員參與計劃，分享「疫境運動」的樂趣。Ken說，兩人的製作十分「土炮」，一開始僅用手機拍攝，後來發現收音和防震問題太嚴重，才花費數百元購置收音咪和手機腳架。Mark負責指導動作，更兼任剪片，至今仍堆壓近十條片未完成的影片。
雖然近日不少專業運動員確診武肺，但Mark強調就算健體亦不能防止染病，但明顯協助中招者避過重症：「即使好多宗運動員確診，其實中招比率冇特別高。相反，我哋似乎冇乜見到邊個運動員中咗肺炎之後出現重症。」
參與拍攝工作的葵青區議員黃潤達說，做完HIIT高強度運動之後，「真係好攰，全身痛咗三日」，相熟街坊則向他反映：「估唔到HIIT咁辛苦」。他特別提醒愛好跑步的街坊暫時留家運動，降低風險。黃宜亦大讚教學有幫助，她有膝痛問題，Mark特別為膝痛人士設計居家運動的動作，「我以為膝頭痛咩都唔做到，原來都有運動可以喺屋企做。」
Mark提醒居家運動者，小心利用椅子的運動，若不慎令椅子移位，有機會失平衡摔倒。網上運動影片也不一定適合每一個人，切勿進行明顯難度過高、容易受傷的運動，「你喺屋企做運動，如果唔覺意暈咗、嚴重扭傷等，冇人可以即時救到你，如果失去意識，甚至冇人知你暈咗。」
斥100萬拍片無效用
兩人拍攝影片分毫不取，記者不禁問：「點解要由你哋義務去教市民呢？」原本喋喋不休解說運動原理的Mark像突然醒過來：「係喎！我哋兩個，一個原本做公關，一個做教育，點解會係我哋教呢？政府去咗邊？康文署去咗邊？」政府長期推廣「全民運動」，廣告賣得多，內容卻虛無飄渺，「淨係叫你做運動，從來冇教過你做咩運動、點做先係正確？」
擁有最多資源的政府，最多只印製簡單長者運動等手冊在康文署派發，幾無人問津。相比近日政府斥100萬元拍攝三分鐘「珍惜香港這個家」宣傳片，Mark直言：「就算預咗政府將啲錢射畀自己人，你搵啲藍絲KOL拍健身片都好吖，起碼幫到市民。」
■記者黃頌恩