傅明憲愛潛水，足迹遍佈七大洋，近年更迷上潛水攝影，去年她拍的一條珍貴鎚頭鯊相片，上月更在專業海洋照片比賽得獎，令她喜出望外。
這幅名為《HELLO》的海底沙龍，巨型鎚頭鯊有如與傅明憲正面對視，形態獨特，在日本《地球的海洋照片大賽》中得到優秀獎：「第一次參加都有咁嘅成績，真係好開心，今次對自己係一個認同。」她表示評判讚揚其作品出色，已經超越入門級數，「哥斯達黎加嘅cocos island影，好高興條鯊魚揀咗游嚟我度，個感覺係個心跳到呢，好似初戀咁，個心卜卜跳。」她指放大睇可以看到鎚頭鯊皮膚的紋。
四年前才開始用儍瓜機學海底攝影，傅明憲稱自己仍是初哥，還有很多事要學。她覺得要在一瞬間捕捉海洋生物的身影非常刺激，「水底比陸上影動物更難，因唔係可以用zoom，閃光燈去唔到，但太近又會爆光，所以好緊張。」她指自己未夠班開攝影展或教人，「唔同海洋都有唔同類型嘅生物，越見得多唔同生物，越覺得自己渺小。」
採訪：林妙萍
更多精采時尚內容，盡在 http://add.appledaily.com。