早前有指2022年世界盃主辦國卡塔爾涉嫌賄賂賄選，如事情屬實，國際足協（FIFA）或要重新考慮主辦國嘅選擇。因為涉貪而下台嘅前FIFA主席白禮達，唔知係咪要攞吓存在感，走出嚟指指點點，就話美國有能力接替卡塔爾舉辦2022世界盃：「原本德國都可以接手，但咁樣就會連續18年、22年2屆世盃都喺歐洲搞，所以歐洲唔係首選。我認為美國可以接手搞22年世盃，佢哋有咁嘅能力，好彩嘅係22年世盃只有32支球隊。」唔知白禮達善忘定有其他原因，美國聯同加拿大同墨西哥已經拎咗26年世盃主辦權，叫美國自己早四年主辦，咁26年世盃唔通又要搵過新主辦國咩？