呢幾日成個建制陣營聯手向法律界議員公民黨郭榮鏗Dennis開火，更被特首林鄭月娥批「鐵證如山，不容抵賴」。霎時間刀光劍影，郭榮鏗噚日都終於出刀。當然唔係打打殺殺，原來噚日係Dennis 42歲生日，佢喺fb出po，貼咗切生日蛋糕嘅相，相入面仲有公民黨黨魁楊岳橋同Dennis一齊慶祝，就喺八方落筆之時，經已有1.3萬人為Dennis送上祝福。
Dennis仲借機抽777水，寫上「鐵證如山，42歲，不容抵賴！」，寸盡777話Dennis拖延內會選主席「鐵證如山」，當然只係Dennis嚴格按照《議事規則》辦事啦。