求驗客手記:泰利自爆曾助阿基上位

求驗客手記:泰利自爆曾助阿基上位

前車路士隊長泰利近日接受訪問時講述一件16/17球季嘅往事,當時佢選擇犧牲自己,請求時任領隊干地畀機會年輕球員尼敦阿基。當時泰利雖然係隊長,但主打三中堅陣式嘅干地並冇重用佢:「聖誕時我去搵干地傾,當我知道佢打算繼續將我放喺後備,我就話球隊有阿基咁優秀嘅年輕球員,不如將佢放喺後備席吧。」最後阿基嗰季嘅代表作就係足總盃四強對熱刺踢正選。車路士當季成功贏得英超冠軍,可惜阿基喺各項賽事只上陣過四次,最終因為缺乏上陣機會而轉投般尼茅夫。有報道指,阿仙奴、車路士同愛華頓都希望喺今夏收購呢位25歲嘅荷蘭中堅。