前日本國腳岡崎慎司會喺今日踏入34歲，呢位現效力西乙侯爾斯卡嘅前鋒近日接受日本傳媒訪問時就透露，因為武漢肺炎喺歐洲傳播嘅關係，所以自己同家人已經留喺屋企足足一個月。岡崎慎司仲提到自己家陣只有一個情況會離開屋企，就係朝早要走出外邊扔垃圾，其餘時間都只會喺室內進行訓練。不過佢亦都話就算目前冇比賽，自己都唔會失去訓練嘅動力，敬業精神值得一讚。