【肺炎大爆發】武漢肺炎疫情未受控，惟教育局於反對聲音下，仍堅持中學文憑試（DSE）如期下周五開考。有調查指，九成DSE考生反對疫情陰霾下開考，擔心感染，亦害怕成績受影響；對應屆畢業生而言，這是動盪及遺憾的學年，去年反送中運動，學生為抗爭走上前線，這書本以外的一課，以轟烈的方式永久刻印學生腦海。政治問題來不及釐清及梳理，武漢肺炎來襲，學期無聲結束。回首這十個月，中小大學生各有經歷，畢業試、升中派位不似預期，惟作為時代見證人，曾並肩走上抗爭之路，亦已無悔。
記者：黎敬中
攝影：趙浩宜
皇仁仔苦等DSE 遺憾無聲畢業
「如果佢（DSE）真係cancel咗，咁我溫嚟做咩？」DSE由3月延至4月，皇仁書院中六生Brighton，曾是青衣區議員冼豪輝助選團中最年輕成員，過去數星期一直忐忑不安。教育局昨宣佈如期開考，終令他如釋重負，全力備戰，首科應考的化學科將於下周六開考。然而，中學生罷課籌備平台訪問逾萬名應屆考生，逾九成受訪考生皆反對如期開考。Brighton理解考生們的憂慮，惟認為於確診個案回落下，考試應盡快完成，「如果𠵱家唔考，冇人知6、7月情況係點」。局方又指，DSE一旦因疫情腰斬，將以校內成績作評估，Brighton對此有所保留：「用中五定中六成績呢？中六只係讀咗一半咋喎！」他認為，若以校內成績作參考，大學亦應配合網上面試。Brighton坦言，部份同學預計DSE會延期，如期開考對他們的心情及溫習計劃難免有影響。
難忘6.12食催淚彈
終於可上考場，Brighton戴上口罩外，亦會自備酒精搓手液，「每考完一份卷就捽一捽手，買個安心」。考期不似預期，他早已習慣，因他的last day（最後上課天）亦曾如此。坐在校門大閘旁的矮石牆上，Brighton難掩感慨：「好多QC（皇仁）嘅畢業生都會坐喺度影相，因為影到『皇仁書院』呢四隻字。」惟如今只能穿上便服站於緊閉的校門前。對他而言，last day象徵自己於母校的旅程終結，今年的學期於無聲無息中完結，不免遺憾。
疫症爆發前，Brighton經常到附近的中央圖書館自修室操練舊試題。農曆新年後，全港自修室關閉，他與同學只能到各區不同咖啡室備戰，「始終自己一個溫書真係好悶，有個人陪吓點都會好啲」。他認為，與同學一起溫習是幸福，但應考則需要幸運，以防感染。對應屆中六生來說，考場內遇上武漢肺炎患者確實比遇上不懂得作答的問題更令人恐懼。
Brighton自中三起已對政治感興趣，曾於校內擔任公民教育組主席，反修例運動開展以來，他除多次以和理非的身份參與遊行集會，於校內進行罷課和組織人鏈，6.12當天更於金鐘慘食催淚彈，當晚還要為翌日的考試準備，「真係溫唔入腦，瞓都唔係瞓得特別好」，成績差強人意亦是預料中事。
去年11月區選，Brighton是其後當選的冼豪輝助選團中最年輕成員，他為冼的文宣排版，以及在青衣區擺街站。Brighton目前已獲某英國大學有條件取錄，有機會到當地修讀政治及社會學系課程。皇仁仔、外國大學、政治及國際關係，不期然讓人想起同為皇仁畢業生的國際關係學者沈旭暉，會否希望成為第二個沈旭暉？「唔敢講……因為實在太多可能性。」