郭富城老婆方媛（Moka）喺疫情下專心湊女，間中會到戶外活動一下，噚日佢喺微博上載留港抗疫生活，包括喺屋企就會敷面膜、出門行山、剪髮，仲有帶兩歲半大女Chantelle出街。Moka為女兒悉心打扮，仲紮孖辮同戴上口罩，做足抗疫措施。Moka又貼出Chantelle睇兒童圖書相，見有英文同中文簡體字嘅圖書，Moka留言：「每晚的講故事時間。」
另一邊廂，Moka老公城城嘅經理人小美前晚喺網絡發生假冒事件，小美喺facebook發文否認「小美工作室」喺台灣刊登過招聘廣告，小美話：「因為有些人tag我說見工。很抱歉，當下並沒有此項目發生。敬請垂注。」
撰文：馮仁昭