陸續有港產口罩發售，當中以港視（1137）嘅口罩最為矚目。化學教父K Kwong親自檢驗港視口罩，究竟評價係點？
內層吸水 外層可擋水珠
K Kwong首先用水噴晒口罩外層及內層，見內層吸水，而外層就擋住水珠並排走，佢話功能合格，「呢個比較少有，現在好多口罩都係面同內層都係排水，慳料嘛」。佢之後為口罩「解剖」，驗中層最重要嘅熔噴布，「睇落去唔似係大陸貨，呢隻有極高靜電」，直言係近期少見嘅靚料。對於口罩有膠味嘅傳聞，佢以未聞過為由不評論，但認為氣味或來自包裝嘅膠袋同紙盒。
K Kwong認為港視呢款係近期港產口罩中最高質，佢話1月疫情未爆發時，口罩都係咁高質素，之後材料開始參差，「好多熔噴布穿窿」。華華唔係賣廣告，但至少證明港產口罩可以咁高質！
李華華
mailto:[email protected]