前阿仙奴領隊艾馬利上月同女友莎查分手結束兩年情，莎查就大爆佢同艾馬利嘅情史：「舊年11月嗰陣，艾馬利曾經怪我累佢俾阿仙奴炒魷，仲話我係女巫，為佢帶嚟厄運，仲話由我同佢第一次分手開始，隊波就冇贏過，又同我講佢好大壓力，分手之後仲成日亂諗嘢。」莎查話今次決定同艾馬利再分手係因為覺得佢未準備好建立認真嘅關係，佢諗番兩年前，兩人第一次喺英國一間意大利餐廳見面，當時佢英文唔好，但莎查認為艾馬利衣着講究，好有魅力，兩人先喺埋一齊。不過，佢仲講同前妻已分居六年無咩聯絡，但莎查就喺新聞見到佢同前妻坐飛機，仲講大話係佢兄弟嘅老婆嚟，而且佢從來唔介紹莎查畀家人同朋友識，睇嚟佢都幾識玩。