香港拳壇「神奇小子」曹星如，上月在約旦安曼亞大區東奧拳擊資格賽只差一步，就可提早踏上奧運列車，在香港也有看比賽直播的向柏榮，仍看好星如可以在世界區賽爭回奧運席位，但要在出拳密度、力度以及應對的策略再強化。
向師傅坦言年輕時也曾想過衝奧運，曾參加西洋拳的他說：「我廿歲出頭都諗過參加奧運資格賽，但當時香港拳總冇乜比賽，後來不了了之，又唔算係遺憾，只係時也命也，或者我行西洋拳條路，未必有𠵱家成就。」
香港對上一次有拳手參加奧運，要數回56年前的1964年東京奧運，當時有兩位港將參賽，今屆東奧，有4男1女代表香港出戰奧運資格賽，包括曹星如的男子57公斤級，看過上月資格賽的比賽片段，向師傅說：「打奧運比賽得三個回合，出拳密度一定要夠，對方打100拳，一定要打得多過對手，唔理中定唔中，我亦睇到佢嘅力度同貫穿唔係太夠，畢竟𠵱家打嘅磅數比起以前職業嗰陣重咗一個磅（以前打52公斤）。」向師傅補充，「另外，星如喺今次奧運資格賽三個回合嘅比賽中變化唔多，最好多1、2個應對策略，一個係佔上風時嘅策略，一個係下風時嘅策略。」
32歲的曹星如在上月亞大區資格賽先贏首圈，可惜八強不敵烏茲別克的世錦賽冠軍米薩夏利諾夫，再在名次賽負予伊朗19歲拳手薩巴卡殊，期望延期的世界區資格賽再爭奧運席位。
記者：徐嘉華