英超曼城球星基爾獲加，之前居家隔離嗰陣就叫咗兩名學生妹到私竇開性愛派對，事後搞到要道歉同面臨被球會處罰，點知遠在日本職業棒球聯盟嘅MVP捕手森友哉，竟然有樣學樣叫女伴上門，事後仲俾對方話佢性騷擾喎！
話說上個月尾，寂寞難耐嘅森友哉用Line搵嚟X小姐上門陪伴，之後森友哉竟要求對方摺衫，摺完就拎出精油要X小姐幫佢按摩，點知X小姐話森友哉越嚟越過火，仲用腳夾住X小姐條腰，結果X小姐成功反抗，最後森友哉畀咗10,000日圓（約700港元）打發X小姐走，結果X小姐事後嬲嬲豬，鬧爆森友哉性騷擾自己。今次爆料嘅雜誌《Flash》隨後向森友哉效力嘅西武獅求證，球隊證實佢的確有請一名女生返屋企按摩，但當然係否認過程中有性騷擾嘅舉動喇。