【新聞焦點】
【本報訊】內地供港活豬數量近日創新低，自上周五復活節假期首天起，供應跌至不足1,400隻，前日更只有1,200多隻，供不應求下，昨日批發價飆至逾4,300元高位，即每頭豬近萬元。來貨價急升，近日鮮豬肉零售價由每斤賣近百元爆升至近130元。市民買餸得悉每斤脢頭或上肉排賣至130元，有人即時掉頭走，有人改買冰鮮肉。有肉檔檔主直言豬肉價格是40年來最高，大嘆豬肉來貨價急升令生意更難做。
記者：簡明恩
本報昨午到街市巡視，發現豬肉零售價貴得令人咋舌，瘦肉售110元一斤，脢頭肉及排骨皆升至每斤130元，比去年非洲豬瘟爆發時貴約30%。豬肉檔門庭冷落，有主婦問價後即離開。市民陳小姐指，以往煲湯亦會用60至70元買一條西施骨，但現索價過百元，故已沒有買豬肉，「連煲湯都少咗」，寧買冰鮮食品，「如果政府都唔出手嘅話，咁我哋就唔好食喇，返屋企自己食自己啦」。
市民改食冰鮮豬
吳先生花費約70元買新鮮豬肉煲湯，他指現時豬肉價格比以往貴三分一。面對豬肉價格大幅上升，他表示「冇辦法㗎喇，𠵱家環境係咁」。他直斥政府令市民選擇減少，「以前我哋英國佬（殖民地）時期，都仲有泰國豬肉、馬來西亞豬肉，𠵱家乜都冇！」
鮮豬肉價格飆至高位，不少市民改吃冰鮮或急凍豬。觀塘瑞和街街市的凍肉店人頭湧湧，市民洪先生花30元購得一塊豬腩肉，他指若換成新鮮豬肉，售價應超過80元。洪先生指，自去年非洲豬瘟後新鮮豬肉價格急升，已改吃冰鮮豬，「除非清蒸，落汁煮分別唔大。」對於冰鮮豬肉的來源問題，他坦言「擔心唔到咁多。」他認為政府可入口其他國家的活豬，以穩定供應令豬肉價格回落。
街坊陳女士坦言，逾百元豬價聞所未聞，「以前係半斤、一斤咁買，𠵱家一次都係買三、四十蚊！」凍肉舖經理黃先生坦言，近月生意大增，店內出售的脢頭肉主要來自西班牙及美國，每斤約40元，僅為鮮豬肉三分一，「啲客話新鮮豬食唔起，寧願食凍肉。」他更教路冰鮮豬肉「煮之前出一出水，煲出嚟嘅湯一樣咁甜。」
去年5月內地爆發非洲豬瘟，導致供港活豬由6月起大減，由每日約3,700隻劇減逾半，拍賣價亦上升至每擔逾3,000元，零售價亦由過去的四、五十元一斤增至近百元。市民捱貴豬已一年，可是豬價未見回落，近日更再次攀升。
市民心聲
陳小姐：「如果政府唔出手嘅話，我哋就唔好食喇，返屋企自己食自己啦。」
檔主陳先生：「做咗呢行40年，從來未試過咁貴，人工都執唔到呀。」
洪先生：「近一年已改食冰鮮肉，鮮豬仲要貴咗，希望政府令豬價平返啲。」
