【本報訊】隨着武漢肺炎確診數字回落，樓市購買力有爆發迹象。業主劈價帶動下，兩大代理行統計的十大屋苑，一連四天復活節假各錄27及29宗成交，分別創四年及六年新高。沙田第一城有代理更指，市民空群出擊睇樓，形容「睇樓睇到腳軟」。
記者：朱連峰
中原陳永傑表示，新盤未有新焦點，準買家集中二手屋苑覓盤，市場上平價筍盤已被消化，樓價較早前跌幅放緩，業主議價空間維持3至5%。美聯布少明則指，即使在「限聚令」下睇樓活動受阻，惟市場購買力持續，樓價短線仍受壓，但購買力已被引出，未來二手交投將視乎業主取態，若業主持續降價，相信二手成交可望回升。
過去四日長假，中原統計的十大屋苑錄27宗成交，較去年四日復活節假期18宗成交上升五成，是2016年後創四年新高。至於美聯統計的十大屋苑，四天假期則錄29宗成交，創六年同期新高。
青衣居屋排隊睇樓
美聯翁凱傑稱，沙田第一城於四天假期連環7宗成交，市民空群出擊睇樓，形容「睇樓睇到腳軟」。「鎖匙盤」更成搶手貨，7宗成交內有4間屬鎖匙盤，其中52座低層G室，實用304方呎，本月10日才放盤，叫價530萬元，放盤僅一天便以522萬元沽出，呎價17,171元。另10座低層G室細戶，原叫價530萬元，最終反價5萬元，以535萬元獲承接。
青衣居屋更要排隊睇樓。美聯蘇順華說，青華苑B座低層8室，屬實用363方呎兩房間隔，業主趁復活節假期賣樓，連補地價嗌460萬元，安排昨早上11時起開放單位予參觀，結果首日開放約三小時，便吸引10多枱客睇樓，其中一名上車客即睇即買，以438萬元入市，呎價12,066元。
嘉湖重現「四字頭」
復活節交投增加，以劈價盤為主。鴨脷洲海怡半島31座中低層C室兩房戶以798萬元沽出，呎價14,888元，為屋苑兩個月來首次跌穿800萬元。紅磡都會軒2座低層8室， 一個月劈85萬以798萬元易手，呎價16,191元屬兩年新低。青衣灝景灣2座中層C室三房戶，劈價逾一成以1,133萬元售出。
天水圍嘉湖山莊重現「四字頭」，美湖居4座低層E室兩房戶以476.8萬元沽出。屯門麗寶大廈低層B室僅售303萬元，呎價12,218元，較樓上兩層同室單位兩年前造價大跌79萬或20.7%。
樓市是否真「復活」？資深投資者林一鳴稱，「根本沒有死過，何來復活！」，並指去年社會運動令樓價跌5%至10%，但肺炎期間根本沒有怎樣下跌，並反問記者「如果你有樓，你會因為肺炎劈價賣樓嗎？」。
