4月14號係法國小將古安杜斯嘅21歲生日，踢緊英超阿仙奴嘅佢因為「爆炸頭」髮型似足隊友大衛雷斯，睇到啲球迷眼都花，兩個同場比賽都唔知道邊個打邊個，相當搞笑。不過，古安杜斯就比較年少氣盛，間唔時都會喺球場發脾氣，好似上個月英足盃第五圈，就為咗罰球個開波位置同球證甸恩嘈一輪，結果就硬食咗張黃牌。希望佢生日大一歲，可以肩負起重任帶領槍手復蘇喇。