唔見棺材唔流眼淚。袁教授道長（道歉頻頻）承認言詞過激，收返。世衞譚德塞冇收過袁道長電郵，否則肯定回以「收到」，收返向侵總統死穴猛插那句「如果唔想見到更多屍袋的話……」。阿侵如果是香港人，乃係保皇倡議投票時可以奉旨打尖的七旬老翁，是武肺中招高危一族。英國金毛首相確診前一聲令下：放假勿去探長輩老友，否則代價就係，你將痛失摯愛！侵總統眼見紐約冷凍櫃車列隊，仵工做嘢，屍袋點收，唔使譚某教，那種冷酷異境，侵總統語為之塞，未見棺材已經嚇窒叫人自選戴口罩或者圍巾。譚德塞更多屍袋的詛咒，動了侵伯與美國人的怒氣，勢必雙倍奉還。
袁道長力勸市民唔好咁老定，好，唔去深水埗電腦商場掃貨，但跑去人山人海七倍的大尾篤和赤柱趁墟，悶嘛。非黃店坐滿，唔見差佬去度1.5米距離擾客查身份證，屍袋係乜顏色，還用說？見被墮樓被自殺還說冇可疑，這種族群，眼中棺材都是Pokemon的黃，懶鬼理蘇哲安的殖民種族歧視歪論，向法國電視台記者clap柒分鐘！