【本報訊】「從來未試過咁貴！」經營肉檔40多年的陳先生指，他入行以來未見過脢頭及排骨每斤賣到130元，又指現時一隻豬批發價達一萬元，令零售價急升，近日有市民問價後嫌太貴掉頭走。他指現時比去年同期已減少三分之二入貨量，但在疫情下每天亦未能完整售出一隻豬，直言「人工都執唔到呀」。他指「最緊要大陸啲豬嚟多啲，滿足香港需求，咁價格就會有改善」。
本地豬農未受惠
肉檔員工陳先生直言「好難撈，生意跌咗七成，啲人消費唔起呀」，同業均面對裁員，即使有工開收入亦減少了一半，他指「以前開足30日工，𠵱家得10至15日」。陳先生表示，以前肉檔每日可劏約十隻豬，但現時只買到兩隻豬應市。
內地活豬供應減，但本地豬農未受惠。本身是豬農的禽畜業聯會副主席林榮源指，近日豬價急升與內地豬價上升有直接關係，「喺內地賣仲賺得多過運去香港，畀你都唔會運過來啦！」現時本港每日約有300隻本地豬供應，其豬場每日供應七至十隻豬。林指過去本地豬批發價比內地豬貴三成，惟昨日他出售的豬價每擔僅4,000元，反而較內地豬便宜。雖然曾有欄商找他要貨，但「我畀唔到豬佢，因為我做熟客生意，價錢亦唔可以加太多，市場消化唔到」。
■記者潘婉玲、簡明恩