武漢肺炎肆虐，裁員潮湧至。UNICEF香港總幹事陳立業在商界打滾30年，更被稱為「橋王」，曾任星展香港信用卡及私人貸款業務董事總經理、謝瑞麟（417）副CEO，但多次遇上經濟低潮，「每次香港面對衝擊，我都在危機中的漩渦，全部都係direct hit！」其中被裁及離職的經驗，讓他對人生有一番體會。
2003年，本地旅遊業因沙士首當其衝，當時陳立業任職旅發局巿場推廣總經理指，「當時即刻構思，當世衞宣佈剔除香港後可以做咩？點樣重新品牌化（branding）？唔係完晒先開始諗。」他稱之為「D-100」構想，假設當下疫情完結、是除名前100日，着手做前期工作。旅發局其後舉辦「香江明珠激光煙火滙演」，邀得世界各地官員、傳媒來港，同時成功宴請數千位賓客；幻彩詠香江亦於翌年誕生。
不過，危機漩渦沒有離他而去。在2008年金融海嘯前一年，陳立業剛好轉職金融業，跳槽至星展任香港信用卡及私人貸款業務董事總經理，專責無抵押貸款，在海嘯下最終被裁。「我被裁之前都聞到味，但冇諗過自己個名俾人交上去，當時係諗，大佬你搵我入來，現時又炒我？」
「心態要定止蝕位」
他接過「大信封」後即時離開公司，在銅鑼灣街道漫無目的，一晃神就步至海傍。海風颯颯，吹醒了他，「心態要定止蝕位，好似買股票，若你買入滙控，但佢失息拖累股價，就要定止蝕位，之後再投資其他有增長潛力的股票。」
「被裁係人生其中一個黑點，但人生並非得一日！拉闊嚟睇，其實仲有其他顏色，可能係紅、橙、黃等，拼湊出來就係一幅美麗嘅圖畫；我都唔知點解被選中，但可能係時候讓自己去圓夢。」
陳立業任職香港電訊（6823）時，曾以郭富城拍攝「One2Free」廣告，開創與觀眾互動的先河。事隔逾20年，該廣告在HKMA仍是觀眾最喜愛廣告。2010年革新謝瑞麟，改變珠寶金行的老套形象，引入iPad及推網上雜誌，甚至籌備求婚計劃，爭取年輕人市場。
武漢肺炎疫情成每日新聞焦點，他預期裁員潮將持續，「我有相同經歷，所以心情好hurt；更加想鼓勵現時走在低谷的餐飲業。」他身體力行，決定每日午飯時間幫襯不同小店，「一個人午餐系列」至今已記錄約兩個月，「幾十蚊幫唔到幾多，反而想心靈支持。香港人團結就能走下去。」
記者：李海澄
