才子愛佳人，自古以來大文豪、雅士都喜好流連煙花之地。圈中有一位才子「黃仔」，雖然家有嬌妻，但無阻佢尋花問柳嘅性格。黃仔多年嚟嘅作品相當出色，出自佢手筆嘅文章街知巷聞，所以有唔少年輕人fans對他推崇備至，千方百計想要佢嘅親筆簽名。
完事後簽名
當年仲係夜總會盛行嘅年代，黃仔如常到尖沙嘴消遣，之後替小姐買鐘出街，下一站自然係經常光顧嘅九龍塘時鐘酒店。翻雲覆雨之後，黃仔正想離開酒店，赫然發現門口有一少女fans喺度等佢，原來係想攞簽名。性格隨和嘅黃仔隨手簽名，不過就好奇問少女點解會知佢喺呢度，少女童言無忌就話：「我姨媽喺度做，佢話你好快（完事），我咪喺度等囉。」
雖然話黃仔為人隨和，不過佢鬧交時都毫不輸蝕，有次佢喺住緊嘅大廈有住戶搬屋霸住部電梯，黃仔就去睇吓，年輕搬運工人對佢唔係幾好禮貌，仲提埋黃仔媽媽。已經不慍不火境界嘅黃仔，只係笑笑口話：「我媽咪就已經唔喺度喇，伯母應該仲好後生，應該啱我喇。」一招反客為主，激到後生仔想郁手打人，身邊年長啲嘅搬運工人就喝止，阻住拍檔話：「呢個唔打得㗎！」
撰文：Jessie
【姐匙Talk】
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。
