【本報訊】新加坡政府一直不建議國民外出戴口罩，高官認為只在患病時才須佩戴。直至本月初，當局才不反對國民在公開場所戴口罩，及後幾日內變成鼓勵、再變成規定要戴口罩。新加坡一直是港人移民熱點，但這陣子港人在那裏並不好受；疫潮初期他們戴口罩外出被歧視，有港人索性回港。
上班族曾被迫除罩
「爆發有好多原因，1月到3月市民被告知『冇病唔使戴口罩』，可能係其中一個」。fb專頁「透視新加坡」港人總編輯Eric說：「初時喺條街度或者office戴口罩會俾人歧視，啲人話要信WHO、戴口罩要Responsible（要留給醫護勿浪費），甚至會被問候係咪有病，病就返屋企休息，我哋WhatsApp group內亦有朋友嘅公司同學校逼人除罩。到今個月頭先話唔反對戴口罩，仲派棉口罩，早兩日先出政策叫大家一定要戴」。
新加坡疫情其中一個致命傷是外勞，單是周日錄得141宗外勞確診。Eric說：「始終新加坡太倚賴外勞，建築裝修、剪草、清潔、飲食零售、送遞等尤其重要。外勞本身住埋一個宿舍，佢哋又會喺啲人口密集社區度買嘢，但同時要做清潔維持潔淨市容，周圍走嚟走去。新加坡市容潔淨唔代表衞生意識高，加上頭幾個月習慣唔戴口罩，少消毒，容易互相傳播。」
另一位港人「獅家星探」Eros形容，現時當地氣氛嚴肅，她昨外出攝製節目時，「係冇人講嘢㗎，好靜囉，個心有啲唔舒服」。她聽聞不少新加坡港人對政府有微言，不滿抗疫措施推得遲。
新加坡港人應如何自處，Eric指身邊的港人一直無懼歧視，堅持戴口罩勤消毒，而有些朋友則已返港，他自己則絕少外出。