蘇永康昨日在九展擔任由趙學而主持的ViuTV節目《Chill Club》嘉賓，提到蘇永康與許志安早前落區派口罩，而鄭秀文亦有派抗疫物資，他坦言希望下次一起做。談及不少演唱會取消，音樂人零收入，蘇永康說：「許冠傑噚日開騷幫通利琴行，但我覺得唔係淨係呢個行業嘅問題，係台前幕後都有，盡量做得到就做。政府唔鼓勵聚集，就算之後放寬咗，我哋會唔會搞好多嘢去畀人聚集，呢樣嘢有待商榷。」
蘇永康早前被本報影到買手袋送給太太做生日禮物，他笑指太太已用：「以前會飛去巴黎買，但𠵱家唔使諗，咪留港消費，我都叫傭人休息吓，一星期煮三餐，其餘就叫外賣，叫到成枱嘢都係500幾蚊。」
採訪：黃曉妍
攝影：林賓尼