黑白是良知，在旺角黑、白布街一帶，黃店林立。第一代黃店「辛安東元祖奶奶雞」，自2014年已公開支持社會運動。辛安東總是驕傲地宣示立場，每一面牆都貼滿文宣海報，食客親手撰寫的抗爭語句更密密麻麻地掛滿店內店外。老闆馬仔話，舖頭的連儂牆已換過幾轉，頭盔眼罩形狀的卡紙最初訂了五萬張，如今只剩數千，手足踴躍幫襯的程度可想而知。
馬仔自去年9月起已感受到黃色經濟圈的力量，下午6時開始晚市，在一個小時內必定爆滿，店外的排隊人龍往往維持至晚上11時，此場面無論平日還是周末都每日上演。
「嗰段時間做手足生意係好開心。」馬仔想起當時店內的氣氛仍津津樂道。食客由隔籬枱互不相識，到同聲同氣坐埋一枱不醉無歸的例子數之不盡。侍應會定時高呼各種抗爭口號，「五大訴求！」食客九成都會和應「缺一不可！」馬仔自己亦偶爾領唱《願榮光歸香港》，「幾感動，會回憶到好多抗爭時嘅嘢」。說到這裏，馬仔激動得雙眼通紅。
縱利潤微薄不告急
馬仔的激動，除來自以前店內震撼他的氣氛外，也因為此光景暫時難以復見。3月初，有網媒轉載一名手足多次光顧辛安東的經歷，他見證店內由去年11月高漲的氣氛，到近日只剩小貓三、四隻的客人唯唯諾諾地和應店員如常的口號。馬仔亦有同感，「（客人）感覺攰咗」，有時覺得店內氣氛鬱悶，他會忍不住大嗌「唔好忘記！唔好接受！」
受武漢肺炎和運動冷卻影響，辛安東亦開始感受到生意壓力，2月生意只剩高峯期六成，「𠵱家就係一個低潮時期，畀啲嘢沖淡緊」。常說「絕不放低」的馬仔，也試過晚上在海邊釣魚途中，收到員工電話，才記得當日是7.21紀念，立即放低魚竿趕回旺角坐鎮。
到近日政府禁止群組聚集措施生效後，生意再跌剩兩、三成，以往絕少做外賣的辛安東要立刻研究外賣菜單幫補。馬仔說，若措施延長多兩星期，很可能要考慮停業，若情況持續兩個月，結業更恐怕無可避免。但他不打算告急，一來辛安東本就利潤微薄，只剩一半坐位無論如何都要蝕，二來更不想在疫情下呼籲人聚餐。
但馬仔強調，黃色經濟圈並沒有失敗，「搞清楚一樣嘢，唔係黃店唔得，係全個世界都唔得」，一些無表態或撐警的食店早在運動期間已捱不住結業，在疫情下，若非手足繼續支持，辛安東早就如那些藍店一樣無法維持，因為只有「100%黃絲」才會有種幫襯，「嗰啲人（藍絲）嚟，見到牆身、門口寫晒嘢，好似邪靈、符咒咁，落晒封印咁，點入到嚟？」馬仔記得，曾有中女二人「鬼揞眼」走入店內，坐低後不消一會就大嗌一句「執笠啦你哋！」揚長而去。
傘運期間，民間亦有過撐小店運動，馬仔形容那時爆發得快，亦淡忘得很快、很徹底。但他認為，今次香港人不再一樣，不會抗疫過後就從此絕迹街頭：「𠵱家有第二啲嘢要顧及，只係輕輕擺低：我抹眼淚嘅時候我咪攞住張紙巾囉，唔使抹眼淚時，我擺低先，我等陣先攞返。」
「好似2月29號（8.31紀念示威），嗰日我感覺強烈返，網上啲文宣話we are back，我睇到係好感動……𠵱家可能你覺得好平靜，但係其實好容易喚醒返我哋。」