許冠傑與工作人員在海港城午膳時，製作總監蕭潮順於食肆外接受傳媒訪問。問到今次製作費，蕭潮順直言阿Sam沒有收取演出費用：「眾志成城，唔係錢嘅問題，好簡約嘅製作。一個屬於香港人嘅景，做幾靚嘅景都唔及維港個景咁靚。」他表示阿Sam原定7月開紅館騷，現在要等個天決定。演唱會直播後，將於24小時內下架，蕭潮順解釋是要兼顧時差，希望全球華人都有機會收看，並表示：「阿Sam做騷從來都冇DVD，都係尊重偶像貓王，因為佢都冇錄影帶出。」
特首林鄭月娥昨日在fb貼出前年許冠傑和譚詠麟於紅館開騷的「集郵」大合照抽水，網民大派「嬲嬲」揚言罷睇，還留言鬧林鄭幫倒忙。蕭潮順昨日接受《蘋果》電話訪問時強調：「我哋絕對冇同任何一個政府部門接觸，個騷只有三個初衷，支持前通利手足、為香港人打氣、唱畀全球歌迷聽。阿Sam都有話對於啲人點諗，佢只有四個字回應，就係『笑罵由人』。」鄭丹瑞也即時拍片放上網澄清，並表示：「其他人有乜睇法，我控制唔到。」
採訪：張明、皓騫
攝影：林賓尼
