鋼琴大師劉詩昆女友、有「鋼琴公主」稱號的孫穎，其Bentley座駕擁有車牌「1 10VE U」，名車靚牌固然吸引，近日網上流傳一張一名身穿吊帶睡裙的女子，赤腳熟睡在孫穎的座駕車頂上。孫穎經警方了解後，笑稱女事主可能想取溫暖，又指車牌紅過自己，將來要換一輛貨車掩人耳目。
孫穎於2012年10月，以20萬元投得心頭好「1 10VE U」車牌，其後她將車牌放在價值380萬的黃色名車上，收車當日，孫穎更拿出手機幫劉詩昆影相。近日在「香港二手車交易群組」facebook專頁中，有人貼出身穿吊帶睡裙的女子爬上孫穎座駕車頂上睡覺的相片，但沒有透露拍攝照片的其他詳情，例如何時、何地，甚麼狀況及該女子的身份等。
留幾個腳印
《蘋果》前晚就此事聯絡孫穎，她表示：「啱啱約咗個女仔朋友去圓方飲嘢，收到警察電話，落咗去停車場睇，佢哋話有人瞓咗喺我車頂，我去到已經冇，係睇相見到，我第一時間問個女仔係肥定瘦，有冇着高踭鞋，𠵱家個車頂有幾個腳印，啱啱處理咗件事，會搵返圓方了解件事，個人點爬上去。𠵱家越諗越驚，自己都想化繁為簡。」
笑要換貨車
孫穎透露警察告訴她該名女子神志不清：「佢同警察講好想瞓覺，佢哋已經放走咗佢。」問到事件會否涉得罪人、勞資糾紛或有陰謀，她回覆：「惟有諗佢神志不清，見到個車牌係『1 10VE U』，想搵啲溫暖，自己呢排都好少出街，應該唔知我行蹤。今年個世界太多變化，好多怪事，令人不安。」最後，她笑言要換車：「要換架貨車，冇咁礙眼，我架車成日俾外國人經過打卡，個車牌紅過人。」
採訪：羅慧敏