林鄭說要研究禁酒，以免親密接觸引致感染。但實情是有更多行業即使毫無醉意，緊密接觸亦是無可避免。以理髮店為例，不論黃藍，疫情對它們的影響都不能忽視，但亦有輕重之分。
Six2 Hair由夫妻檔經營，丈夫阿峰負責理髮，太太Yannes就做美甲。去年4月搬到新舖後，隨即碰上逆權運動，他們不但有在網上表態，亦多次捐款支持運動、在店內貼文宣，甚至提供工作機會給年輕手足。雖然身處沒有鐵路直達、被視為「藍區」的土瓜灣，亦獲得不少同路人支持，「試過有天水圍、粉嶺、上水、太古特登過嚟」，生意不俗。
香港疫情爆發，對理髮店的打擊立竿見影。Six2 Hair初六啟市後，曾試過一整天拍烏蠅。就算有客，亦個個膽戰心驚，阿峰記得：「試過有次，我哋做做吓客，出面無啦啦有救護車同消防車聲，停咗喺隔籬大廈，着晒保護衣物。」客人見到即時一陣恐慌，幸好最後虛驚一場。
兩口子明白理髮、修甲的接觸很容易令人卻步，遂決定做一系列工作，挽回客人信心，Yannes說：「我哋每一日都做消毒工作，講到明我哋唔接大陸人，發燒、咳嗽一定唔畀入，入到門口一定要消毒。」客人亦要量體溫和戴上口罩才可幫襯。
日日消毒挽客人信心
防疫工作做足，同路人漸漸回巢，熟客繼續跨區幫襯，疫情對Six2 Hair的影響越縮越小。但並非每一間理髮舖都能回復正常，「我哋過一條街都唔夠，有另一間髮型屋，嗰間無表態，但真係見到佢哋坐晒喺度。甚至乎有啲客話俾我聽，佢原本都係隔籬舖嘅客」。
Six2 Hair不僅捱得過武漢肺炎難關，而且還有餘力幫同路人和街坊。今年內，兩口子就先後搞了兩次義剪，「有啲手足可能因為經濟能力，俾人告冇咗份工，我覺得佢哋都有呢個權利去扮靚啲」。他們又跟其他黃店、同路人合作，向街坊派口罩、酒精、漂白水之餘，順便為這場未完的運動作宣傳。