《蘋果》記者昨日在尖沙嘴走訪，市民對阿Sam開騷為港人打氣，一致視為正能量，更有市民指阿Sam「香港歷史代表」。
郭小姐：
知道阿Sam今日有音樂會，唔知海運上面搞，知為抗疫港人打氣加油，意義好正面，大家喺屋企靜咗三個月，有online演唱會，為港人打氣，支持佢哋喺屋企睇好好，香港需要正能量。
馬小姐：
唔知道許冠傑今日開音樂會，香港好少藝人幫手發聲，雖然佢唔係我個年代，但我都好高興佢做呢樣嘢，我父母都有聽佢嘅歌，通常睇經典電影都會聽到。而抗疫最想問政府有乜做過，香港人自己努力，冇得靠呢個政府。
趙小姐：
香港需要正能量，大部份做零售都有影響。
陳先生：
阿Sam演唱會可以幫香港人，畀到正能量，佢都係香港歷史代表，代表音樂歌手，相信音樂好好打氣同激勵。