2006年世界盃決賽，法國球王施丹用「鐵頭功」頂向意大利守將馬特拉斯，結果一代球王以紅牌結束職業生涯，而法國喺10人應戰下，互射12碼輸咗而失冠。事後施丹雖然解釋話係馬特拉斯侮辱自己家人在先，不過前者嘅法國國家隊隊友沙洛唔係好接受：「入到更衣室嗰陣，就算有人同你道歉，都唔會聽得入耳。」沙洛仲話：「我唔想接受佢道歉或者同佢講嘢，於是行入洗手間，10分鐘內食咗250支煙，逃離現實。」事實上，雖然法國1998年拎過世界盃，但沙洛當時未入選，所以始終未拎過呢個球壇最高殊榮，好在沙洛兩年後都有同施丹冰釋前嫌，結婚嗰陣都有邀請施丹出席。