3月初，龍門冰室宣佈以20萬元租用沙田河畔花園地舖為全港第七間分店，被視為黃店逆市擴張的經濟奇蹟。老闆張俊傑無奈回應：「舖喺早幾個月睇中咗落咗訂，想喺未cover到嘅地區幫到人，冇諗過會爆發疫症。」
龍門冰室被視為是香港最有名氣的黃店，同路人紛以行動「懲罰」，過去大半年營業額比過往多了10至20%。但在疫症的影響下，龍門亦受到打擊，「特別係尖沙嘴、銅鑼灣呢啲非住宅區，真係會冇晒人」。雖不至要「告急」，但生意額已較最高峯時下跌了兩至三成。
張俊傑本計劃1月在尖沙嘴分店旁，租用新舖位擴張，把原先的舖位改裝成咖啡店，新舖位則繼續做冰室。但疫情嚴峻， 政府死不封關，市民物資短缺，他決定改為向市民派發口罩和酒精搓手液等防疫物資的派發站。「我希望可以喺香港人有自設口罩廠前，幫大家捱過呢關先。到香港人有足夠物資時，我呢邊先會正式開張。」
無懼「同路人」攻擊
幾個月以來尖沙嘴「未來店」分毫未收，張俊傑卻要捱高昂租金。倒錢落海的不限於此，為了讓年輕手足獲一技之長，自給自足，龍門旗下的「香港人嘅冰室資源分享中心」在紅磡租用了3,000多呎工作室，經營健身、美容、美甲、皮革和手結繩工作坊，然而計劃又被疫症打斷。「由農曆新年起都唔敢再叫年輕人返嚟，驚佢哋集體感染，所以暫停咗。到（疫情）第二波，美客院同健身中心都已經ready，但都唔係一個適合嘅時間開業，要stay at home呀嘛。」他頓了頓：「所以都係暫時交住租先。」
政府推出禁止群組聚集措施後，龍門的生意額更馬上大跌超過一半。同時，警察和食環署職員亦對高調發聲的黃店窮追猛打，龍門亦不能倖免。3月30日，有警察指收到舉報，指紅墈分店門外等候外賣的人數超過4人，需要驅散。有警察又衝進店內，要求互不認識的食客湊滿4人一枱，以增加枱與枱之間的距離。張俊傑慨嘆很難捱：「一日唔真封關，14日後可能又係14日，咁嘅新措施真係會殺死好多小店。」
但最致命的是來自「同路人」的連串謾罵。3月中起，連登討論區突然出現多個針對龍門的帖文，有人指控張以低薪聘請手足並「用完即棄」、推出外賣速遞「瓏瓏Van」搶奪其他「黃Van」生意云云。臉容憔悴的張俊傑淡然回應：「越受到攻擊，即係嗰樣嘢係啱；越受到稱讚，即係嗰樣嘢係錯。依家不斷畀人攻擊即係做嘅嘢係啱，我哋會繼續做落去。」
要讓黃色經濟圈持續發展，張俊傑認為全賴香港人同心合力，堅持「不分化、不割席、不篤灰」。「家黃萬事興、家衰手足停。如果龍門都俾港共政府打冧，咁黃圈仲點持續？咁下一間被分化嘅又到邊一間？唔好輸畀有心人，唔好墮入分化嘅圈套。」他對香港人，仍有信心，「我相信疫症下，香港人分得清邊啲係幫香港人，邊啲只顧自己生意」。