四月大地回春，百花本盛開，萬象復更新，怪在今年乍暖還寒依然，武漢肺炎更如北風狂號呼嘯，颼颼捲過香港。社會停頓，康體設施盡關，教練盡陷零收入窘境，泳池乾塘，有游泳教練無奈上岸，駕起鐵馬轉送外賣，他只望疫情快過，泳池盡快重開，政府撥款支持同業生計。
記者：洪量丰 攝影：董立華
雨打黃梅頭，疫情下的香港四月初陰雲密佈，游泳教練梅茂青（Paul）駕着電單車穿梭觀塘工廈間送外賣，雨下得淅淅瀝瀝，忽爾車輪劃過路上水窪，污水四濺，抬望眼，身邊的送外賣同行竟是往日泳池教水行家，「有啲人你熟嘅，戴住口罩都認到佢啦。」同是天涯淪落人，風雨淒淒中偶遇，Paul連忙拉着行家自拍，他苦笑道，「平時都濕身見，今次落雨又濕身見，好無奈，但都係要生活落去。」這邊廂食物甫送到客人手上，滑開電話程式，那邊廂下張外賣單即至，「我秒秒鐘幾十萬上落，你做得外賣都係為搵錢箒，啱唔啱先？」打工仔多勞多得，手停口停，引擎發動，他又揚長而去。
大泳會到私人教練同遭殃
武漢肺炎疫情蔓延，政府為免人多聚集，康文署轄下公眾游泳池自一月底起全面關閉，私人會所相繼落閘，任你是大型泳會東主或是會所私人教練，疫情之下通通無一倖免，收入歸零。30出頭的幼兒泳班教練Paul以往多於觀塘泳池駐場開班，泳班學生約50人左右，平均月入約2-3萬元，今年農曆新年後他每日只得望天打卦，「教水大大話話都10年，家陣前所未有咁慘，完全零收入，新年開始放假就冇得開工。」
風雨前夕疫情未算嚴重，他盤算休息兩周待設施重開，即可重出江湖；然而三月確診數字日日上升，疫情未見平息，戶口有出無入，他不禁思索另謀高就，「新年後一個月就諗（轉行）， 唔知疫情要去到幾時，睇個勢會蔓延，政府又冇宣佈有咩措施，我冇計劃跟到。」全行陷寒冬，他透露認識有教練既要養妻活兒，又要供樓，人到中年危機乍現，「有啲教練四十幾歲人，大半生都係教游水，佢哋相當痛苦，都搵唔到其他嘢做。」他慶幸獨住公屋，租金負擔輕，只要搵兩餐供養父母，「佢哋都話（送外賣）危險，但咁大個人唔通攤大手板攞錢咩。」
起初Paul屬意加入飲食業，詢問相熟朋友招聘消息，換來的是「唔好問喇，有份工做冇俾人炒算好。」他又打算投身裝修界，但一直未能註冊，「政府機構冇開，我申請唔到『工人卡』，都係冇得做。」其間Paul曾經售賣口罩等防疫用品，但市場接近飽和無利可圖，直至二月中政府呼籲減少聚集，駕駛電單車的他想起或可嘗試送外賣，他直言市道慘淡，連外賣員一職也競爭激烈，前往簡介會見有兒子拉着母親參與，為生活人人身不由己，「送外賣要周圍拋頭露面，但冇辦法啦，逼不得已都要做。」
拉上口罩戴上頭盔，游泳教練隱身鬧市化身「外賣仔」，有時與學生家長談起近況，他也坦率自白，「我都照直講，我繼續服務緊觀塘區市民，不過轉個形式箒。」 水上人「上岸」，他不諱言相對教水寓工作於興趣，送外賣營營役役，只求生存，「送外賣感覺差好遠，路面要集中精神『攝車』，教水我瞌埋眼都識做，教游水開心㗎，又係興趣又教咁多年，唔係負擔嚟，但家陣係為生存。」他每日午飯和晚飯時間出動，以每張單50元的酬勞計算，收入僅夠餬口，「都係勉強幫補，燈油火蠟都係錢，仲要供養家人，我都所剩無幾。」
疫情不退最壞打算轉行
不知有心或是無意，Paul訪問時帶來寫上重點的貓紙，翻開背後卻是一張空空如也的日程，聊起往年的暑假旺季，他說「縐皮」出疹是平常事，「暑假我唔放假，朝早九點教到夜晚直踩，星期一到日都係咁，有職業病呀，又濕疹又浸到腳爛。」闊別泳池兩個月，Paul掛念職業病發作的日子、更想念學生們，他只望疫症能於暑假前遠去，「暑假？唉，最好打算就泳池暑假前重開，重新收生爆晒；最壞打算要轉行，但做咩呢？我諗唔到，教咗10年，青春都畀晒游水。」體育界大部份教練屬自僱人士，沒有公司保障，「業內會希望政府有政策，幫到全職教練生計，始終我哋咁多年嚟全副心機去做體育教學工作。」第二輪抗疫基金出爐，Paul合資格領取註冊教練7,500元的資助，惟他坦言金額太低，難解燃眉之急，「幾個月冇開工，除番開其實每個月基本開支都畀唔到，我問咗區議員，我呢啲自僱人士要六月先申請到援助，到時候我應該死咗喇。」
折騰勞碌大半天，訪問既畢，觀塘路上下班人群漸多，斜陽抹過，他伸伸懶腰，「差唔多喇，返去唞一唞又要出動。」