【本報訊】衞生防護中心日前公佈，有本港確診個案在完成14天強制檢疫後，自行檢測發現感染武漢肺炎，惹人質疑現時14天隔離制度是否足夠。袁國勇承認，有病人潛伏期長達25至30日，但認為只是極端例子，「14日後仲有事係好少數」，認為沒可能延長隔離日數，否則本港所有隔離設施都會爆滿。
倘重開邊境 宜返港前檢測
袁國勇解釋，無論是駿洋邨隔離人士還是鑽石公主號回港乘客，都在隔離前進行一次病毒測試，到即將完成隔離前再驗多次，現在看來都是穩陣方法，「因為佢嘅病徵病狀可能細，不過我哋冇咁多測試劑，我哋暫時每日只做到3,000個測試，如果全部返嚟驗咗，到完成（隔離）再驗，我哋冇咁多測試劑，運作上有困難」。他說永遠都有更理想做法，但要考慮實際測試能力，惟增加試劑量並非短期能成事。
由於實驗證明，武漢肺炎的病徵輕微，病毒量卻很大，所以跟沙士處理手法大不同。若政府考慮重開邊境，袁國勇認為身處內地、英國等地港人回港前，可在當地先做病毒測試屬陰性，回港後再測試同屬陰性，這樣處理較好，「咁佢周圍走都冇問題……如果要重開邊界，要諗吓係咪我咁講咁樣做，以致大家都穩陣，咁當然如果佢唔止冇事，仲有抗體就更好」。
■記者陳詠恩