【本報訊】在疫情下，除了上門的維修員屬高風險，近日多間食肆、餐廳增設外賣服務，不少外賣員亦有機會染病，甚至變成播毒鏈一環。18歲、在外賣速遞平台任職外賣員的林先生坦言，三周前送一份二人餐到一個住宅單位，甫開門，赫然發現伸手出來拿外賣的男子，手腕竟戴上藍色監察手帶，「個心當堂打個突，當刻只想拿拿聲走，怕留得太耐、太多對話，連衣物都被污染」。離開後，他立即用酒精搓手液清潔雙手，「當日仲有八個鐘先收工，一直都好驚，返到屋企即刻丟晒身上衣物入洗衣機清洗，唔敢同阿媽講，驚佢擔心」。
拒接疫廈定單被扣錢
同事阿Ben直言，現時見到有確診者或隔離人士大廈定單會立即轉走，早前更發生確診患者於醫院隔離期間叫外賣，有同事拒絕接單，但此做法客服職員會被扣錢，平台會以「停機」懲罰，「佢會停咗你機半個鐘，公司會覺得你唔送就唔好做，我覺得好無奈」。因外賣員多是自僱人士，他稱即使得知曾與確診者接觸，為免手停口停，即使「中伏」仍會繼續接單送餐。
另一外賣員Jacky亦形容，每天上班猶如上戰場，「有啲客好啲，會自爆由外地回來，用信用卡畀錢，叫我掛食物喺門口，但大部份客都冇講嘅，可能自己中咗都唔知咩事！」為了自保，他每日上班前必讀熟強制家居檢疫或確診大廈名單，如遇上這些定單他會拒接，即使被扣分也沒法子。他每日亦自備各式防疫物品工作，「撳 𨋢就用保鮮紙包住支筆，連門鐘都唔會撳，會打電話畀個客，盡量不接觸任何嘢」。