【本報訊】港大醫學院及瑪麗研究團隊公佈研究成果，破解武漢肺炎比沙士陰毒之謎。團隊首次利用人體外肺部器官模型研究，發現武漢肺炎病毒繁殖能力比沙士高三倍以上，而且有「忍者」特徵，能繁殖大量病毒，但病人卻可以沒有病徵。就是這個難以捉摸圍堵的緣故，專家斷言，疫潮絕不可能在7月前消失，港人必須繼續保持社交距離。
記者：陳詠恩
港大醫學院及瑪麗研究團隊研究已於醫學期刊《臨床傳染病期刊》發表，團隊取得須切除部份肺組織的重症病人同意，將已切除的部份肺組織再切成多個細份，分別植入沙士及武漢肺炎病毒，比較同一病人感染這兩種病毒的反應。
港大以病人肺組織研究
由於肺組織「一離開身體就會爛」，培養液亦只能保存48小時，因此實驗只能測驗出48小時的結果。昨日團隊展示其中四位病人肺部組織的實驗結果，發現48小時內，武漢肺炎病毒數量比沙士多三倍以上，但情況不一而足，有病人24小時病毒量就到達頂峯，亦有人48小時還未到高峯。
正常情況下，身體感染病毒後會分泌干擾素，但武漢肺炎病毒猶如「忍者」，中和了干擾素的效用，令細胞沒有產生足夠干擾素，病毒不像沙士般易於發現，甚至即使肺花也沒有病徵。袁國勇舉出一些極端例子，有感染者從英國回港後完全沒病徵，「喺病房做運動都得」，其病毒測試結果每毫升口水有高達一百億粒病毒，其細胞干擾素分泌卻很少。
袁國勇由此得出結論，武漢肺炎沒可能如沙士般，只透過將病人及其密切接觸者完全隔離，6個月就能「斷尾」，他預計疫情7月前都無法停止，「我哋𠵱家只能做，係令我哋生活到落去，令醫療系統唔進入癱瘓。但我哋唔可以喺7月前令新冠狀病毒冇咗，我覺得係一啲可能都冇」。
人人戴口罩助減釋毒量
對於每日確診數字略為下降，他說「大家唔好咁老定，如果大家又開始唔戴口罩、周圍食嘢、周圍去聚會，呢個所謂第二波落落吓又可以上返」，呼籲港人要遵守法律，如非必要切勿聚集。
目前本港有14名病人危殆，需使用機器幫助呼吸。英國有66%使用呼吸機的患者最終不治，比例遠高於香港。袁國勇解釋，由於香港及英國治療方式不同，「好似我哋相信越早畀病人呼吸上嘅支援係好緊要，如果到好後期先畀呼吸機，個病人已經好殘，到筋疲力盡你先幫佢插喉，佢癒後都應該係唔好」。香港做法是當看見病人有需要便插喉，「要輸氧即刻救」，而英國則最後才選擇插喉，「所以預計個死亡率係高啲」。
他續指，香港幾乎人人都戴口罩，即使有隱形病人，釋放出來的病毒量都較低，「如果嗰個地方（嘅人）乜嘢都唔戴，一噴噴埋嚟，你接收嘅病毒量就好高」。有賴香港人戴口罩、注意手衞生及保持社交距離，「呢個要讚，市民都盡咗力，政府都做咗好多工夫，唔可以講『政府咩都冇做』，呢個唔係真嘅，市民合作好緊要」。