吳若希昨日到商台宣傳新歌並接受訪問，她自言生小孩後記性差又慢半拍：「啲人話生完三年會變番正常，今個月底就三年啦，我都好期待自己變返正常。」囡囡淼淼今個月23日生日，但因為疫情不敢安排慶祝活動：「𠵱家仲係好多感染個案，停咗學之後佢都冇乜出街，個女最近對住個公仔自言自語，我好驚。」
吳若希表示有意再生小孩，問她是否努力中？她說：「唔知算唔算努力緊，正常生活囉。見多咗唔代表夫婦之間關係會增進，對得多會冇咗浪漫感覺。」她指未有刻意做增添情趣的事，笑言二人都覺得很悶：「剩係諗點可以搵多啲生意，因為我先生唔止照顧我哋嘅小朋友，仲有我細佬都照顧埋。經濟壓力都有，我哋兩個工人、一個B、一個未成年，仲有老人家，要畀啲心機。」
採訪：盧妹
攝影：陳俊強