早前曾參加ViuTV煮食節目《辣伙頭》的洛兒，昨日在中環一健身中心示範收身十式，一同在家弗住抗疫。因武肺疫情關係，洛兒近日經常在家煲韓劇、打機，令屁股長肉成為重災區，她說：「最想收pat，我嘅體質脂肪全部儲晒在下半身，潮流興馬甲線，就快夏天我都要努力。」
洛兒以打碟為主要職業，但疫情令她近日幾乎零收入，洛兒無奈說：「收入真係少咗好多，啲熱鬧地方同club都閂晒，惟有用呢段時間增值自己，最近有學爵士舞，上堂改為一對一，希望疫情盡快完結，大家可以回復正常。」洛兒近日轉戰YouTube，閒時會拍運動和飲食節目，她還笑言要證明自己不再是地獄廚神。
採訪：卓寶花
攝影：仇志德
場地提供：Absolute Fitness HK