羅霖、葉家寶與李芷菱昨日到牛頭角派發抗疫物資包，羅霖自言近幾個月是零工作，每月損失六位數收入，她要採取開源節流方法，先是大屋搬細屋，咬實牙關度過疫情。她原定下月到洛杉磯出席期待了4年的二仔大學畢業禮，現在也要取消。
羅霖指二仔仍在洛杉磯繼續餘下課程，他留美主因是美籍德日混血兒女朋友，羅霖說：「我哋視像過，佢唔化妝都靚過我好多，係開朗女仔，心地好。」她直認恨飲新抱茶恨到流口水：「我話5月帶埋訂婚戒指畀佢求婚，我出埋錢買，佢出糧先還，因為𠵱家心地好又靚女仔已經絕種，我叫佢要珍惜，千祈唔好亂發脾氣。」她透露二仔也遇到排華，又指香港及內地做得好好多。
採訪：馬建華
攝影：陳慧安