吳啟明在上環經營的食肆「慢煮兩餐」受武肺影響，自今年2月開始只做午市，晚市暫停。最近政府再來「限聚令」，食客強制減半，小店只有28座位要減到14人，有湯有菜的午市套餐又減價賣40多元，生意難做，近兩個月生意根本不能為皮。吳啟明昨日接受《蘋果》電話訪問，他無奈說：「業主體諒肯減租，月租7萬幾減四成，3名全職員工，加埋燈油火蠟，每個月最少都要10萬開支，呢幾個月邊捱邊蝕頂住。我租約簽到8月，唔續租要3個月前通知，我計過條數，即使近日午市生意因附近食肆執晒，多咗人嚟買外賣，但都為唔到皮，捱到8月唔做喇！個個月咁蝕真係肉赤㗎。」
吳啟明近幾個月至少蝕6位數字，不過他仍然熱衷做飲食生意，不排除待疫情過去會東山再起：「生意係難做，但我仍然好有興趣搞飲食，可能改吓形式，要睇住疫情變化先有新計劃，𠵱家講乜都言之尚早。」吳啟明在河南的兩間餐廳早成為武肺犧牲品，年初已結業，兩間摺埋共蝕了約7位數字。
採訪：比華利