K.Kwong測試後，發現不適合在人多地方使用的多款中國製口罩，中層熔噴布主要有破洞問題。他直言，部份中國製口罩品質管制粗疏，以致市面充斥劣質口罩，提醒消費者勿盡信聲稱外國出口的包裝盒。
K.Kwong解釋，口罩中層的熔噴布為阻隔病毒和細菌的關鍵，正常的熔噴布密度高，「好韌嘅，撕嘅時候會撕到好多條幼絲」，並帶強勁靜電，「有啲直頭會黐實隻手揈唔開」，布料上不應出現小孔。
惟他以目測、觸感及激光測試作參考，發現本報購得的口罩，全部熔噴布只帶微弱靜電，「靜電好重要，冇嘅話，過濾效能起碼冇咗一半以上。」撕開熔噴布時也沒有「拉絲」效果。
多項測試均肥佬
檢查熔噴布時，亦發現其中一款口罩有約1毫米大的孔洞，「未見過咁大個窿！」另兩款口罩有多個微細孔洞。他解釋，飛沫粒子體積細小，肉眼所見的「小孔」已很大問題，該熔噴布或有更多肉眼看不到的孔洞，無法阻隔飛沫及病毒穿透。
在激光測試，三款有孔洞的口罩，除了其中兩款，再多一款均被激光輕易穿透熔噴布，「正常用咁弱紅色激光，塊熔噴布係唔會穿透（紅點）。」反映質量不佳，「估計呢幾款未必過到BFE（細菌過濾效率）95%個測試」。本報再提供一款在藥房購買的中國牌子國產口罩供測試，同樣有熔噴布輕易被激光點穿透的問題。
K.Kwong坦言，兩周前已留意市面上充斥着中國製的仿日本口罩，直指「信唔過」，「嗰啲好多時都係repacking（重新包裝），間廠喺唔知邊度，入咗啲唔知咩來源嘅貨（口罩）。」呼籲消費者不要購買來歷不明的口罩，「呢啲我都唔知係咩嚟嘅，個盒任我印㗎嘛，淘寶嚟都得㗎。」