有好幾位出名嘅球星都係撞啱喺4月10號生日，當中包括有前曼城隊長高柏尼同利物浦翼鋒沙迪奧文尼，但數到最出名嘅就必定係前巴西國腳羅拔圖卡路士。今日正式踏入47歲嘅卡路士，近排就同昔日皇家馬德里嘅隊友喺網上敍舊，當中包括「大哨」朗拿度、費高、碧咸同卡斯拿斯，大家都不約而同提番起之前為「銀河艦隊」效力嘅時光。