武漢肺炎疫情繼續影響住世界各地，球會喺疫情下出現巨大經濟損失，球員轉會金額好大機會出現「通縮」情況。不過德甲利華古遜喺周三宣佈，從德丙球隊、德國「紅魔鬼」凱沙羅頓簽入現年21歲嘅門將連拿特基爾，雙方簽約四年。連拿特基爾喺聯賽停擺前，一共為凱沙羅頓出戰27場。完成轉會後，基爾喺接受利華古遜官方訪問時表示，自己轉會呢個決定係邁向德國頂級球會嘅一大步：「喺聯賽停擺前我睇咗好多利華古遜嘅比賽，作為觀眾，我真係好享受利華古遜嘅踢法。好高興可以成為球隊嘅其中一員。」現時喺疫情下，有好多球會都減薪，但係利華就選擇喺呢個時刻簽入新兵，的確令人感到意外。