現年59歲前藝人戴志偉日前被爆和保險公司女下屬Candy發展婚外情，男方被傳媒追訪時爆粗發爛渣，更用手機反拍現場採訪的記者。戴志偉昨日接受《蘋果》電話訪問時，態度180度改變。他在電話中說：「我好好，辛苦晒，畀啲時間我沉澱一下，我之後會同大家傾返。」問到有否向家中太太和兩個兒子解釋時，戴志偉直言：「我要啲時間處理，處理緊，遲啲再同大家講。多謝多謝！」然後匆匆掛線。近日盛傳戴志偉和Candy被保險公司勒令要分開兩組返工避嫌，對於自己和Candy現時關係，戴志偉接受傳媒訪問時，只說和對方是朋友，又說對方乖女和無辜，不希望事件影響到對方。
私生活立立亂
另外，《蘋果》收到Candy舊同學鍾小姐爆料，指Candy中文名叫張素盈，今年約35歲，曾就讀伊斯蘭脫維善紀念中學。鍾小姐指Candy在中學時已出名多男朋友，經常換畫，她說：「Candy讀中學時住天后，以我所知，佢係喺單親家庭長大嘅，由爸爸照顧，佢係家中獨女，入學嗰陣已經曳曳哋，食煙、講粗口，又成日化濃妝返學，成日群埋啲男仔玩，私生活好亂，記憶之中，佢仲有個金毛男友，經常接佢放學，不過Candy未讀完中一就已經輟學。」
據鍾小姐爆料，有傳Candy在年少時未婚懷孕，誕下一子，現時兒子已經成年。鍾小姐說：「Candy當時同金毛男友生咗個仔，之後個仔畀咗爸爸嗰邊湊。𠵱家小朋友已經好大個。生完仔後，Candy啲男友繼續不停轉，又試過一腳踏幾船，我有個朋友，本身冇嫌Candy生過BB同佢喺埋一齊，點知朋友有日撞到對方喺街拖實第二個。其實Candy未入保險公司前，做過化妝妹，估唔到人大咗，佢到𠵱家啲男女關係都依然搞到咁亂。」鍾小姐又指中學時代的Candy，面圓圓鼻扁扁，和現時的蝦餃下巴大不同。
同事未覺異樣
《蘋果》另一位讀者透露，戴志偉和Candy最初搭上，為免同事識破很少接觸和來往，加上Candy本身在公司中，正職是秘書身份，只是早前考獲保險牌，才兼職做保險經紀，因此和戴志偉在公司的交流不多，所以偷食事件曝光前，沒有同事估到二人正在交往。其實事件發酵至今，Candy不斷被起底，有指她本身已有「小男友」Terry ，日前更有多張Candy和Terry的甜蜜照流出，前年他為Candy慶祝生日留言：「差不多由冇用兒童身份證開始，我們就在對方身邊。」對於有傳未婚生仔，《蘋果》致電Candy求證，但沒獲回覆。
採訪：勞燕萍