4月9日係法國中場馬度迪嘅33歲生日，效力意甲祖雲達斯嘅佢最近不幸確診感染武漢肺炎，𠵱家努力治療當中。日前佢仲接受隊友基斯坦奴朗拿度（C朗）嘅客廳盃挑戰，結果病住都贏到對方！馬度迪係法國贏得2018年世盃冠軍嘅功臣之一，2015年仲當選過法國足球先生。不過佢今季為祖記上陣23場暫時都未有入球，祝佢生日快樂之餘，希望佢身體健康，早日為祖記開齋啦。