【馮仁昭四圍超】陳庭欣爆宣萱唔夠瞓

【馮仁昭四圍超】陳庭欣爆宣萱唔夠瞓

陳庭欣(左)同應屆港姐黃嘉雯噚日喺將軍澳宣傳劇集,唔少人都知陳庭欣養咗三隻鸚鵡,日前佢喺網上進行直播分享飼養鸚鵡心得,反應唔錯,陳庭欣指自己冇特別修讀過飼養雀鳥嘅課程,只係分享一啲自己同其他雀友嘅經驗。陳庭欣最近正拍攝新劇,提到同劇嘅宣萱近日身體抱恙請咗幾日病假,陳庭欣指略有所聞:「我聽到佢由朝拍到晚,可能唔夠瞓,不過我相信佢都會爭取休息時間。」
撰文:馮仁昭